RW Xamse oo faray Agaasimayaasha guud ee Wasaaraha dardar gelinta howlaha Qaranka.

Ra’iisul Wasaaraha Xukuumadda Federaalka Soomaaliya Xamse Cabdi Barre ayaa maanta kualan kula yeeshay Xafiiskiisa Agaasimayaasha guud ee Wasaaraha iyo Hoggaanka Hay’adaha dowladda.

Kulanka Ra’iisul Wasaare Xamse iyo Agaasimayaasha guud ee Wasaaradaha ayaa ku saabsanaa is xogwareysi, isaga oo faray dhammaan Agasaamiyaasha dardar gelinta howlaha Qaranka. Sida lagu yiro qoraal ka soo baxay Xafiiska Xukuumadda.

Wasiirka koowaad ee Xukuumadda Federaalka Soomaaliya Xamsa Cabdi Barre ayaa wada kulamo uu la yeelanayo, madaxda Hay’adaha Dowladda, isaga oo la kulmay 3-dii July 2022 qaar ka mid ah xubnaha Golaha Agaasimayaasha Hay’adda Istaatistikada Qaranka oo ay ka wadahadleen mudnaanta qabashada tirakoobka guud ee dadweynaha.

Sidoo kale isla maalinta Ra’iisul Wasaare Xamse ayaa la kulmay hoggaannada tiirarka uu ka kooban yahay qorshaha xukuumadda iyo mas’uuliinta mashaariicda socda, kuwaas oo Ra’iisul Wasaaraha u soo bandhigay warbixin ku saabsan habsami u socodka howlaha kala duwan.

Ra’iisul Wasaaraha Xukuumadda Federaalka Soomaaliya Xamse Cabdi Barre ayaa lagu wadaa maalmaha soo socda in uu ku dhawaaqo Golahiisa Wasiirada, isaga oo la filayo in uu horgeeyo Golaha Shacabka BFS si ay u siiyeen codka kalsoonida.

Mustaqbal