Real Madrid oo markale la garaacay, iyo Tababare Lopetegui oo mustaqbalkiisa mugdi galay.

Kooxda Real Madrid ayaa wali ku jirta xaalad adag kadib markii xalay markale la garaacay ayna garaacday kooxda CSK Moskow.

Tababare Lopetegui oo markii horeba ka soo tagay xiddigo muhiim u ahaa kooxdiisa ayaa hadana is badal ku sii sameeyay shaxdiisa isaga oo nasiyay xiddiga khadka dhexe ee Luka Modric.

Kooxda reer Russia ayaa si deg-deg ah ku furatay ciyaarta iyaga oo daqiiqadii 2-aadba dhaliyay goolka 1-aad ee ciyaarta iyaga oo ka faa,iidaystay khalad uu sameeyay xiddiga Toni Kroos.

Xiddiga Nikola Vlasic ayaa sidaas ku dhaliyay goolka 1-aad ee ciyaarta isaga oo kooxdiisa u dhiibay hogaanka kagana nixiyay kooxda Real Madrid gool wakhti hore ah.

Real Madrid ayaa la wareegtay maamulka kulanka iyaga oo wax walba u sameeyay sidii ay u dhalin lahaayeen goolka bar-baraha laakiin kooxda CSKA ayaa si waali ah u difaacanasay.

CSKA ayaa dhanka kale qaadaysaysay weeraro rogaal celis ah oo ay ku dhalin gaartay goolal kale oo ay ku sii dheeraysan kartay hogaanka ciyaarta kulankana ku dili lahayd.

Waxa sidaas ku dhamaatay qaybtii hore ee ciyaarta oo ay kooxda CSKA Moscow ku hogaaminayso ciyaarta laakiin Real Madrid wax walba u samaysay sidii ay u dhalin lahayd goolka.

Qaybtii dambe ayay Real Madrid ku bilaabatay si waali ah iyaga oo qaadayay weeraro farabadan oo ay ku doonaysay in ay ku dhaliso goolka bar-baraha inta uuna wakhtigu dhicin.

Wiilsha Lopetegui ayaa sameeyay fursado halis ah laakiin nasiib u yeelan waayay in ay soo taabtaan shabaqa inkasta oo ay ahaayeen kooxda fiican kulanka.

Kooxda Real Madrid ayay laba fursadoo oo cadaan ah ka hor istaagtay birta iyada oo xiddigaha Real Madrid laba fursadoo ku dhufteen birta taas oo ka hor istaagtay goolka bar-baraha.

Waxa sidaas ku dhamaatay ciyaarta oo ay kooxda CSKA Moscow sidaas ku gaartay guusheedii 1-aad ee xilli ciyaareedkan ee tartanka champions league Real Madrid-na dhabarka u saartay guuldaradii 1-aad ee champions League.