MW JFS “Khilaafaadka Dhexdeenna kuma xalinayno bannaanka”

Madaxweynaha Dowladda Federaalka Soomaaliya, Xasan Sheekh Maxamuud ayaa sheegay in Khilaafaadka Siyaasadeed ee ka dhex jira dhinacyada isku haysta Siyaasadda aanay u baahnayn in xalkooda laga raadiyo Dalka Dibaddiisa.

Madaxweyne Xasan Sheekh Maxamuud ayaa carrabka ku dhuftay in wax weliba oo tabasho ah la xalin karo waa haddii dhinacyada arrimahaas ka dhaxeeyaan aqbalaan in ay wada hadlaan.

Dr Xasan Sheekh Maxamuud ayaa intaas ku daray in mar hore laga gudbay in cabashada Soomaalida dhexdeeda la dhex geeyo Shisheeye sidaas awgeed gudaha Dalka lagi xalin karo waa haddii si niyad furan loo gorfeeye waa sida uu hadalka u dhigay.

“Khilaafaadka dhexdeenna laguma xalinayo bannaanka balse gudaheenna ayaan ku xalinaynaa, waan kasoo gudubnay in arrimaheenna dibadda lala aado, ” Sidaasi waxaa yiri Madaxweynaha DFS, Xasan Sheekh Maxamuud.

Waxa uu xoojiyay gogoshada siyaasadda ee dhowaan Dowladda u dhigtay, waxa uu dhimacyada diidan gogoshaas usoo jeediyay in ay dhigaan gogol dhankoodana ay diyaar u yihiin inay aqbalaan si xal looga gaaro khilaafaadka siyaasadeed waa sida uu hadalka u dhigay madaxweyne Xasan Sheekh Maxamuud.

“Walaalayaal Intaas oo sano ayaa dadkeenna lagu kicinayay waa nala dhacayee qoryaha qaarta, wad haddii aad tabasho qabtid u tag garsoorka oo ha hoggaamin in uu dhiig daato, arrimaha Siyaasadda gogol ayaa ka furan, mana jirto sabab loo kala irdhoobo” sidaasi waxaa hadalkiisa sii raaciyay Madaxweyne Xasan Sheekh Maxamuud.