Masar oo Shiinaha ka iibsatay Nidaamka Difaaca Cirka

Dowladda Masar ayaa si rasmi ah u xaqiijisay in ay iibsatay nidaamka difaaca cirka ee fog ee HQ-9B, kaas oo lagu sameeyo dalka Shiinaha.

Talaabadan ayaa muujinaysa isbadallada Masar ku sameyneyso istaraatiijiyaddeeda milatari, xilli Beijing ay si xawli ah u ballaarinayso saameynteeda hubka ee caalamka.

Nidaamka HQ-9B, oo ah mid la mid ah nidaamka difaaca cirka ee Mareykanka Patriot ama kan Ruushka ee S-300, ayaa awood u leh inuu bartilmaameedsado diyaaradaha dagaalka, gantaallada loo rido meel fog iyo kuwa xawaaraha sare leh.

Khabiirro dhanka amniga iyo difaaca ah ayaa sheegay in heshiiskan uu hoos u dhigi karo saamigii Ruushka ee suuqyada hubka Afrika, iyadoo dalka Shiinaha uu si tartiib tartiib ah u beddelayo doorkii ay Moscow ku lahayd dalal badan oo xulafo hore u ahaa.

Masar oo hore u ahayd macaamiil weyn oo Ruushka ah, ayaa hadda si tartiib ah u wareegeysa dhinaca Shiinaha, iyada oo arrintan loo arko inay qeyb ka tahay isbeddelka guud ee saameynta istiraatiijiyadeed ee Bariga Dhexe iyo Afrika.

Mustaqbal