Madaxweyne Xasan Sheekh iyo Safiirka Talyaaniga oo ka wada hadlay arrimaha iskaashiga labada dal

Madaxweynaha Federaalka Soomaaliya Xasan Sheekh Maxamuud, ayaa Madaxtooyada Qaranka ku qaabilay Safiirka Talyaaniga ee Soomaaliya Mudane Pier Mario Daccò Coppi.

Labada masuul ayaa ka wada hadlay xoojinta xiriirka  ee labada dal, horumarinta iskaashiga dhinacyada dhaqaalaha, adeegyada bulshada, taageerada amniga, iyo barnaamijyada dib-u-dhiska ee ka socda dalka.

Sidoo kale, Madaxweynaha ayaa uga mahadceliyey sida ay Dowladda Talyaaniga door ugu qaadatay   taageerada Soomaaliya, isaga oo ku boorriyey sii wadista mashaariicda lagu horumarinayo Soomaaliya.

Dhanka kale, Safiirka Talyaaniga  Pier Mario Daccò ayaa dankiisa sheegay  in dowladda Talyaaniga ay ka go’an tahay taageeridda Soomaaliya, isaga oo bogaadiyey dadaalka Dowladda Federaalka ee ku aaddan horumarinta dalka iyo dib-u-dhiska hay’adaha dowladeed.

Kulankaan madaxweynaha federaalka Soomaaliya Xasan Sheekh Maxamuud iyo safiirka Talyaaniga, ayaa imaanayo xilli uu maanta madaxweynaha ku qaabilay madaxtooyada, iyaga oo ka wada hadlay arrimo badan.

Mustaqbal