Golaha Ammaanka oo sanad ku u kordhiyay Ciidanka ka jooga Xadka labada Suudaan

Golaha Ammaanka ee Qaramada Midoobay ayaa sanad u kordhiyay ciidanka ka jooga Abyei oo ah xadka u dhaxeeya Jamhuuriyadda Suudaan iyo dalka ka go’ay ee Koofurta Suudaan si ay usii adkeeyaan nabadgalyada sida hadalka loo dhigay.

Ergayga gaarka ah ee Qaramada Midoobay ee Arrimaha labada Suudaan ee kala go’ay ayaa Golaha Ammaanka warbixin guud ka siiyay xaaladaha taagan, sida loogu baahan yahay muddo kordhin iyo in la ballaariyo ciidamada halkaas jooga.

Abyei oo qani ku ah Saliidda waxaa jooga ciidamo xiran summadda Nabad ilaalinta Qaramada Midoobay, ciidankaas waxa ay ku howlgalaan UNISFA si ay xal waara uga gaaraan is qabqabsiga xuduudeed ee Suudaan iyo Koofurta Suudaan.

Waqtigaan waxa uu u suuragelinayaa in ciidamadaan ay sii joogayaan Abyei ilaa Nofeembar sanadka soo socda 2026 oo lasii kordhin karo kahor iyo marka la gaaro waqti ahaan xiligaas uu ku siman yahay howlgalkooda sida warka loo dhigay.

Ciidanka Abyei jooga oo u badan Booliis waxa ay gaarayaan ilaa 4,000 waxaana loogu talagalay in ay ilaaliyaan dadka degen halkaas oo dhibbane u noqday is qabqabsiga muranka xuduudda ee Jamhuuriyadda Suudaan iyo Dalka ka go’ay ee Koofurta Suudaan.

Mustaqbal