Cabdiraxmaan Cirro oo qiray in ay culays ku noqotay tallaabooyinka Dalal badan ay ku diideen aqoonsiga uu ka raadiyay Israa’iil

Madaxweynaha Maamulka Gobollada Waqooyi Galbeed, Cabdiraxmaan Maxamed Cabdullaahi Cirro oo bixiyay Waraysi soconayay ku dhowaad Nus saac oo intiisa badan wax looga waydiiyay aqoonsiga uu ka raadiyay Israa’iil ayaa qiray in uu culays badan soo koray Maamulkiisa.

Cabdiraxmaan Cirro ayaa sheegay in Dalalka Carabta iyo Afrika oo markii hore si gaar ah ula tacaamuli jiray ay dib uga durgeen Maamulkiisa maadaama uu Aqoonsi ka baadigoobay Israa’iil oo dhiig badan ku daadisay Bariga Dhexe.

Cirro ayaa xusay in uu jeclaan lahaa in Dalalka Carabta, Afrika iyo kuwa kale ee diidan Aqoonsiga uu sheegay in Maamulkiisa uu ka helay Yuhuudda ay si hoose u eegaan Gobollada uu maamulo Maamulkiisa oo tabasho qaba sida uu ku dooday.

“Waan dareemaynaa diidmada Dalalka Carabta, Afrika iyo kuwa kale ee diidan Aqoonsiga aan is aqoonsanay Israa’iil oo dabcan labadeenna midba midka uga baahan in uu aqoonsado, waxa aan jeclaan lahaa in ay dib u eegaan Taariikhda Somaliland & waxa ka dhacay” Sidaasi waxaa yiri Cabdiraxmaan Maxamed Cabdullaahi Cirro, Madaxweynaha Maamulka Gobollada Waqooyi Galbeed Soomaaliya.

Su’aal maamulka Cabdiraxmaan Cirro la hordhigo marweliba uu fagaaraha keenno in la gummaaday waa jawaabta uu ka bixinayo Xasuuqa Israa’iil ay ka gaysatay Bariga Dhexe oo ay ku dishay Kumanaan ruux isla markaana ay ku go’doomisay kummaan kale.

Mustaqbal