Askar ku dhimatay qarax miino oo lagula eegtay duleedka Muqdisho.

Uga yaraan labo Askari oo ka tirsan Ciidanka Amaanka ayaa lagu dilay qarax duhurnimadii maanta lagula eegtay deegaalka Ceelasha biyaha ee duleedka Mgaalada Muqdisho.

Qaraxa oo ahaa miinada nooca dhulka lagu aaso ah ayaa dadka deegaanka Ceelasha waxaa ay sheegeen in lala eegtay Askar ka tirsan Ciidamada Dowladda oo ilaalo u ahaa saraakiisha Turkiga ee ku howlan dhismaha wadada xiriirisa Muqdisho iyo Afgooye.

Qaraxa markii uu dhacay ayaa waxaa la sheegay in Ciidamada Dowladda ay fureen rasaas xooggan taas oo aan la sheegin in ay geysatay wax khasaaro ah oo kasoo gaarey dadka Shacbaka ah.

Ciidamo kale oo ka tirsan Kuwa amaanka ayaa gaaray goobta Ciidanka Qaraxa lagula eegtay waxa ayna durba goobta ka bilaabeen Howlgalo amaanka lagu Xaqiijinayo.

Wadada xiriirisa Magaalada Muqdisho iyo degmada Afgooye ayaa inta badan waxaa qarax lagula eegtaa Ciidamo ka tirsan kuwa dowladda iyo AMISOM,kuwaas oo waxyeelo kasoo gaarto.

28 Decembe 2019 maalin Sabti ah ayay aheed markii ay Al shabaab qarax Xooggan Injineero Turki ah kula eegteen Isgoyska Mashquulka badan ee EX-Controol Afgooye,halkaas oo ay ku dhinteen Injineero Turki ah,Ciidamo ka tirsan kuwa amaanka iyo Tobanaan shacab ah oo ay arday u badnaa.