Xukumadda Soomaaliya oo ka digtay saameynta ka dhalan karta abaaraha ka jira dalka

Wasaaradda Qorsheynta, Maalgashiga Soomaaliya, Cabdiraxmaan Sheekh Faarax (Beenebeene) ayaa guddoomiyay kulan looga hadlay dardargelinta gurmadka abaaraha ka jira qeybo badan oo dalka ah.

Shirka ayaa xoogga lagu saaray sidii si degdeg ah loogu gurman lahaa dadka ay abaartu saameysay iyo weliba sidii loo mideyn lahaa dadaaladda dowladda wado ee gurmadka.

Kulanka ayaa Hay’adda SODMA ku soo bandhigtay dhibaatooyinka ka dhalan kara abaarta haddiibaah gurmad degdeg ah la sameyn.

Waxa kale oo lagu falanqeeyay sababaha keenay abaarta, oo ay ugu weyn yihiin roobabkii Gu’ga iyo Dayrta oo inta badan gobollada dalka ka di’in.

Kulankan ayaa ku soo aadaya xilli abaar ay ka jirto deegaannada waqooyiga iyo bartamaha dalka, isla markaasna aan la helin roobkii xilliyadaan da’i jiray.

Mustaqbal