Xisbiga Tigree oo dalal shisheeye ku eedeyay in ay faragelin ku hayaan Itoobiya.

Xubno ka tirsan xubnihii aasaasay Xisbiga EPRDF ee dalka Itoobiya ayaa dalal shisheeye ku eedeyay in ay faragelin ku hayaan wadankooda ka dib kulamo ay ku yeesheen Magaalada Addis Ababa ee Caasimada Dalkaasi.

Xisbiga EPRDF ayaa talada dalka Itoobiya hayay muddo 30 sano ku dhaw.

Xisbiga Tigre oo qayb ka ahaa saddex xisbi oo sameeyey EPRDF ayaa khilaaf kala dhexeeyey dowladda Dhexe tan iyo markii uu xilka qabtay ra’iisul wasaare Abiy Ahmed.

Xisbiga Tigre ayaa horay ugu dhawaaqay in aysan ku biiri doonin xisbiga Abiy Ahmed.

Xisbiga ayaa kulan degdeg ah qabsaday Sabtidii iyo Axaddii la soo dhaafay.

Bayaan uu xisbiga soo saaray ayaa dalal shisheeye ku eedeyay in ay faragelin ku hayaan Itoobiya.

Warbixinta ayaanan lagu xusin wax magacyo ah balse waxay ururka Midowga Afrika ugu baaqeen in ay arrintan wax ka qabtaan.

Xisbi Talada haye ee uu hoggaamiyo Abiy Ahmed ayaa dhankiisa wada olole uu Madaxda Dowlad deegaanada Maamulkaasi ugu qancinay in ay ku midoobaan Hal xisbi.