Trump oo billaabay in uu xilal usii dhiibo Dadkii ka qaybgalay Ololaha Doorashadii uu ku guuleystay

Madaxweynaha 47aad ee Dooran ee Dalka Maraykanka Donald Trump ayaa gacanta ku haya xilalka uu u kala qorsheeyay xubnaha lasoo koorseeyay ee kala soo gudbay xaaladaha adag uu wajahay muddadii uu xilka heyn.

Trump ayaa u muuqda in uu u abaalgudayo shaqsiyaad intooda badan lasoo shaqeeyay kuwaas oo waqtigooda ku bixiyay u ololeynta doorashadii uu guusha muhiimka ahayd ka gaaray kuna garaacay Madaxweyne ku xigeenka Dalkaas ee Kamala Harris.

Magacaabistii Thomas Homan ee Trump u dhiibay Madaxa Xuduudaha waxa ay durba dhalisay in farta la saaro shakhsiyaad kale oo calaamadeysan, kahor inta uusan degen Aqalka Cad ee Dalka Maraykanka ayuu sii dhiibayaa xilal kale.

Waxaa aad loo hadal hayaa in Madaxweynaha Dooran ee 20ka Janaayo 2025 geli doonno Aqalka Cad waa Donald Trump in uu Wasiirkiisa Arrimaha Dibadda ka dhigan doonno Marco Rubio oo ah Senator laga soo doorto Florida.

Xilal kala duwan uu Trump Ballanqaaday ayaa durba lasii calaamadeeyay shakhsiyaadka ku fadhiisan doonna, xubnahaas lasii saadaalinayo waxaa kamid ah Stephen Miller in laga dhigayo Agaasime ku xigeenka Madaxtooyada (Aqalka Cad).

Miller waa Ninkii ka dambeeyay Siyaasadda ka dhanka ah soogalootiga ee Madaxweyne Donald Trump, waxaa kale oo diiradda u saaran cidda u noqoneysa Madaxa difaaca, guddiga qaban-qaabada xil wareejinta iyo mas’uuliyiin kale.

Maraykanka waxa uu galayaa waa cusub waayo waxaa meeshii ugu hooseysay tageysa awoodda Xisbiga laga adkaaday ee Dimuqraadiga, waxaa meel weliba ka muuqan doonna kan Jamhuuriga oo afartii sano u dambeysay bannaan joog ka ahaa saaxadda Siyaasadda.

Mustaqbal