Qaramada Midoobay & Ingiriiska oo ku ballamay sii wadista taageerrada la siiyo Ciidamada Ammaanka Soomaaliya

Xafiiska Taageerrada Qaramada Midoobay ee Soomaaliya UNSOS iyo Boqortooyada Ingiriiska ayaa si wadajir ah u sheegay in ay ka go’an tahay garab istaagga Ciidamada Ammaanka Soomaaliya si ay u xoojiyaan adkaynta nabadgalyada.

Kulan dhexmaray Madaxa Xafiiska UNSOS, Qurat-ul Ain Sadozai iyo Danjiraha Ingiriiska ee Soomaaliya, Charles King waxa ay diiradda saareen sidii labada dhinac ay u sii kordhin lahaayeen taageerrada ay siiyaan Soomaaliya.

Madaxda UNSOS ayaa Danjiraha Ingirisiiska ee Soomaaliya u sheegtay in Xukuumadda London looga baahan yahay garab istaagga Ciidamada dusha saartay mas’uuliyadda Amniga ee wajahaya caqabadaha kala duwan sida hadalka loo dhigay.

Xafiiska UNSOS ayaa haysta taageero waqti kooban oo Maraykanka iyo Dalalka kala duwan ee caawiya ciidanka Midowga Afrika iyo kuwa Soomaaliya si ay u xoojiyaan sugidda Amniga una helaan waxyaabaha ay u baahan yihiin sida warka loo dhigay.

Ingiriiska waxa uu kamid yahay Dalalka taageera Xafiisyada kala duwan ee Qaramada Midoobay inkasta oo marka la dhinac dhigo taageerrada Maraykanka oo isagu qaatay go’aan uu ku joojinayo dhaqaalaha uga baxa Xafiiska UNSOS & waxyaabo kale oo hoos imaanaya.

Mustaqbal