Norway oo Soomaaliya ka gacansiinaysa arimaha Bani’aadannimada

Wakiilka Wasaaradda Arrimaha Dibadda Norway ee Soomaaliya Merete Dyrud ayaa ballanqaadday in Dowladdeeda ay gacan ka geysan doonto wax ka qabashada xaalado Bani’aadannimo iyo kahortagga musiibooyinka ka dhasha.

Merete oo la kulantay Guddoomiyaha Hay’adda Maaraynta Musiibooyinka Qaranka SoDMA Maxamuud Macallin Cabdulle ayaa waxa ay sheegtay in dowladda Norway ay kaalin firfircoon oo muuqata ka qaadan doonto dedaallada lagu gaarayo wax ka qabashada Bani’aadannimo.

Taageerrada Oslo ay siiso dhiggeeda Muqdisho ayay Wakiilkaan sheegtay in ay sii kordhinayaan si looga hortago xaaladaha musiibooyinka iyo bani aadamnimada oo ah dhibaatooyin is dulsaaran oo Dad badan saamayn taban ku reebay.

Guddoomiyaha Hay’adda SoDMA, Maxamuud Macallin Cabdulle ayaa dhankiisa u mahadceliyay Wakiilka Wasaaradda Arrimaha Dibadda Norway ee Soomaaliya, waxa uu ka rajeeyay in ay fuliso ballanqaadka ay samaysay si loo gaaro hadalka caawinta dadka ah.

Mustaqbal