Bangiga Adduunka iyo Dowladda Federaalka Soomaaliya ayaa kala saxiixday heshiis lagu horumarinayo kaabayaasha dhaqaalaha dalka sida Garoomo Diyaaradeed, Waddooyin, Biyo Mareennada Magaalooyinka iyo kuwo kale.
Mashaariicdaan waxaa ku baxaysa lacag dhan $500 oo Milyan oo doollar iyada oo lagu wado in laga sameeyo Gobolka Banaadir iyo Maamul Goboleedyada sida ku xusan heshiiskaan oo qallinka lagu duugay Bishii April 2026.
Muddada uu mashruucaan soconayo waa ilaa sannadka 2031 iyada oo inta aan la gaarin sannadkaan laga sii shaqaynayo fulinta mashaariicdaan waxaana kala xulashada Meelaha laga billaabayo iska kaashanaya Bangiga Adduunka iyo Dowladda Federaalka Soomaaliya.
Waxaa lagu xoojinayaa badqabka dhinaca Amniga iyo joogtaynta duullimaadyada ee Caalamiga ah iyo Gudaha Dalka sida garoomada Diyaaradaha Muqdisho, Baydhabo, Kismaayo, Hargaysa, Garoowe, Gaalkacyo, Jowhar & Dhoobley iyada oo sidoo kale xoogga la saarayo xakamaynta fatahaadaha.
Fursadaha dib u dayactirka Garoomada waa door kale oo lagu xusay fulinta mashruucaan, waxaana ujeedka uu yahay sidii sare loogu qaadi lahaa dhaqaalaha Soomaaliya iyada oo la xoojinayo kaabashaaysha iyo ilaha kale ee wax kasoo gali karaan.
Mashruucaan laguma xusin Magaalada Laascaanood ee xarunta Maamulka Waqooyi Bari iyada oo aanay jirin sabab cad oo lagu muujiyay in laga reebo maadaama Gobolka Banaadir iyo Dowlad-Goboleedyada kale laga hirgelinayo mashaariicdaan.
Haddaba maxay tahay sababta Laascaanood looga reebay mashruucaan?
Mustaqbal
Dowladda Federaalka Soomaaliya ayaa cambaaraysay weerarka Israa’iil ay ku qaadday Masjidka Barakaysan ee Al-Aqsa, waxa…
Howlgalkii ugu dambeeyay ee Ciidamada Dowladda Federaalka gaar ahaan Kumaandooska Gorgor ay ka sameeyeen deegaanno…
Dowladda Federaalka Soomaaliya ayaa beenisay War hadal hayn dhaliyay oo ku saabsan in ay leedahay…
Dowladda Federaalka Soomaaliya ayaa sheegtay in deegaanno katirsan Dowlad-Goboleedka HirShabeelle ay ka billowday howlgal ay…
Magaalada Kampala ee Caasimadda Dalka Uganda waxaa ka socda diyaargarowga shirka u dhaxeeya Madaxda Dalalka…
Dowladda Soomaaliya ayaa shaacisay in ay dhawaan soo bandhigi doonto lacag cusub oo dalka loo…