Dowladda Federaalka Soomaaliya ayaa faah-faahin ka bixisay dagaalkii saakay ka dhacay Degmada Ceeldheer Gobolka Galgaduud Dowlad-Goboleedka Galmudug, waxa ay sheegtay in 6 Askari ay ka dhinteen halka dhaawacyo fudfudud kasoo gaareen 14 kale.
Dowladdu waxa ay intaas ku dartay in khasaara xooggan la gaarsiiyay ‘AS’ iyada oo laga hortagay weerarkii ay ku qaadday Degmada Ceeldheer, sidoo kale waxa ay soo bandhigtay muuqaalka qof dhaawac ah oo ay ku sheegtay in ay dagaalka ku qabatay.
“Intii lagu guda jiray dagaalka, 6 askari oo ka tirsan geesiyaasha CXDS ayaa shahiiday, halka 14 kale ay dhaawacyo fudud soo gaareen iyagoo difaacaya shacabka iyo qaranka” ayaa lagu yiri warka kasoo baxay Dowladda Federaalka Soomaaliya.
“Ciidanka Xoogga Dalka iyo kuwa deegaanka ayaa hadda ku howlan howlgallo qorshaysan oo lagu baacsanayo firxadkii Khawaarijta, si loo ciribtirto kooxaha ku dhuumaaleysanaya nawaaxiga degmada Ceeldheer” ayaa lasii raaciyay qoraalka DFS.
Wasiirka Gaashaandhigga Xukuumadda Federaalka Soomaaliya Axmed Macallin Fiqi ayaa dhankiisa qoraal uu soo dhigay bartiisa Facebook waxa uu ku sheegay in ‘AS’ khasaara xooggaan la gaarsiiyay isla markaana maydadka iyo dhaawacyada ay qaadan waayeen sida uu yiri.
Mustaqbal
Dowladaha Soomaaliya iyo Pakistan ayaa wada saxiixday heshiis Is afgarad ah oo la xiriira Iskaashiga…
Xukumadda Federaalka Soomaaliya ayaa shaacisay in ay dhiirigalineyso wada hadallo ay yeeshaan Maamulada Waqooyi Bari…
Magaalada Qasa waxay saaka marti galisay aaska iyo janaasada in ka badan 100 ruux oo…
Wasiirka Wasaaradda Batroolka iyo Macdanta ee Dowladda Federaalka Soomaaliya, Daahir Shire Maxamed, ayaa xaqiijiyay in…
Madaxweynaha Dowladda Federaalka Soomaaliya, Xasan Sheekh Maxamuud ayaa sheegay in Soomaaliya ay u furan tahay…
Danjiraha Turkiga ee Soomaaliya, Alper Aktaş oo ka hadlay Shirweynaha 1aad ee Badaha Soomaaliya ayaa…