Ciidamada ammaanka degmada Dharkenleey ee gobolka Banaadir ayaa lagu soo waramayaa inay toogasho ku dileen hal ruux mid kalana ay dhaawaceen kaddib marki aroornimadii hore ee saakay israsaaseyn dhexmartay iyaga iyo dhallinyaro kale oo hubaysan.
Qofka dhintay iyo midka dhaawacmay ayay ciidamadu sheegeen inay qarax kuduugayeen wadada Macallin Nuur ee degmada Dharkenleey halkaasoo ay adeegsadaan ciidmada ammaanku.
Israsaaseyn kooban oo dhexmartay ciidanka iyo dhallinyarada ayaa sababtay in isla goobta uu ku geeriyoodo mid kamid ah dhallinyarada halka midka kalena uu dhaawacmay.
Sarkaal kusugan saldhiga degmada dharkeynleey oo lahadlayay warbaahinta ayaa sheegay in falkaasi ay ka dambeeyeen argagixisada Alshabaab .
Dhinaca kale odayaal katirsan dadka degaanka oo lasoo xiriirray idaacadda ayaa sheegay in dhallinyaradaasi aanay wax shaqo ah kulahayn Shabaab iyagoona sheegay nin magaciisa ay ku sheegeen Abdinasir Mursal oo ka shaqeynayay farmashiye ku dhawaa halkaasi uu wargeliyay ciidamada amaanka una sheegay in dhallinyaradaasi ay wadada dhigayeen miino.
Sikastaba ha ahaatee dhawaan ayay ahayd markii guddoomiyaha degmada Dharkenleey Macallin Maxamuud iyo ilaalidiisa lala beegsaday qarax miino kaasoo dhulka loogu aasay.
Madaxweynaha Suuriya, Ahmed al-Sharaa, ayaa shaaca ka qaaday in ay heshiis dhinaca Amniga ah la…
Fadhi aan caadi ahayn oo ay maanta magaalada Laascaanood ku yeesheen Xildhibaanada Baarlamaanka Dowlad goboleedka…
Wasiirka Arrimaha Dibadda Masar, Dr Badr Abdelatty ayaa markale ku celiyay in Dowladdiisa ay garab…
Sida ay ku warrantay Warbaahinta ku hadasha Afka Maamulka Israa’iil, waxaa maalmo dheeraad ah lagu…
Magaalooyinka Muqdisho, Addis Ababa iyo Kampala waxaa ka socda shirar looga hadlayo Mustaqbalka Howlgalka Midowga…
Ciyaaryahanka u dhashay Dalka Spain kuna guullaystay Koobka Adduunka 2026 ee lagu magacaabo Marc Cucurella…