Dhacdo murugo leh ayaa dhawaan ka dhacday magaalada Hargeysa, ka dib markii aabe gubay saddex carruur ah oo uu dhalay, sida ay sheegeen saraakiisha dab-damiska ee Somaliland.
Warbixinta hordhaca ah ee booliska iyo waaxda dab-damiska ayaa tilmaamaysa in dabku uu la xiriiray muran qoys oo u dhexeeyay waalidka carruurta, kaas oo mar hore la horgeeyay maxkamad.
Ciidamada dab-damiska oo goobta gaaray ayaa isku dayay in ay damiyaan dabka, balse nasiib darro, carruurta laguma guulaysan in la badbaadiyo, meydadkooda ayaa markii dambe laga soo saaray guryihii gubtay.
Waxaa sidoo kale la xaqiijiyay in gabadha weyn ee qoyska, oo uur leh, ay ka badbaaday dhacdada, iyadoo haatan lagu daawaynayo isbitaal ku yaalla magaalada.
Boolisku waxay sheegeen in aabaha qoyska oo lagu tuhunsan yahay inuu dabka shiday uu goobta ka baxsaday, waxaana socda baadi-goob lagu raadinayo.
Dhacdadan argagaxa leh ayaa gilgishay bulshada Hargeysa, iyadoo culimada, madaxda bulshada iyo hay’adaha u dooda xuquuqda haweenka ay dalbadeen in la adkeeyo sharciga ka hortagga rabshadaha qoyska, si loo ilaaliyo nolosha xubnaha nugul ee qoysaska.
Mustaqbal
Guddiga loo xilsaaray qabashada doorashada Guddoomiyaha Golaha Shacabka ee Baarlamaanka Federaalka Soomaaliya ayaa si rasmi…
Ra’iisul Wasaare Ku-xigeenka 2-aad ee XFS, Jabriil Cabdirashiid ayaa maanta shaaciyay inuu iska celiyay dhalashada…
Degmada Shangaani ee Gobolka Banaadir waxaa dib looga howlgelinayaa Biyo mareennadii ay lahayd iyada oo…
Magaalada Dhuusamareeb waxaa maanta lagu wadaa in lagu shaaciyo natiijada kasoo baxday Doorashadii Dadweyne ee…
Ra’iisul Wasaaraha Xukuumadda Federaalka Soomaaliya, Xamsa Cabdi Barre ayaa Magaalada Laascaanood ee xarunta Maamulka Waqooyi…
Madaxweynaha Maraykanka, Donald Trump ayaa soo bandhigay Dalal uu ku sheegay in ay ka codsadeen…