Sawir hore
Booliiska gaarka u tababaran ee Haram-cad ayaa xalay howlgalo baaris ah ka sameeyay Degmada Hiliwaa ee Gobolka Banaadir, waxa ay soo qabteen shaqsiyaad ay tuhmayaan oo qaarkood geeyeen xarumahooda baarista.
Dadka Degmada ayaa Mustaqbal u sheegay in howlgalka uu socday Muddo saacado ah, waxaana askarta ay tageen xaafadaha Degmadaas, iyaga oo goob isugu geeyay dhalinyaro oo markii dambe hubin ay mariyeen intooda badan kusii daayay.
Ciidamadu waxa ay xireen waddooyinka muhiimka ah ee Degmada Hiliwaa, gaar ahaan jidadka u dhaw Xaafadaha ay baarista ka wadeen sida Mustaqbal ay u sheegeen ilo xog ogaal ah oo uga warbixiyay howlgalkaas.
Maamulka Gobolka Banaadir ayaa sheegay 19-kii bishaan Agoosto 2020-ka in ay bilaabayaan howlgalo lagu baarayo degmooyinka Caasimadda, Gaadiidka iyo dadka saaran si loo adkeeyo nabadgalyada.
Kulankaas waxaa shir guddoomiyay Guddoomiye Ku xigeenka Maamulka iyo Maaliyadda Gobolka Banaadir Axmed Xasan Iimaan, waxaana ka qaybgalay mas’uuliyiinta Gobolka iyo saraakiisha ciidamada si loo xasiliyo ammaanka Caasimadda oo dilalka, qaraxyada iyo weeraraka dib ugu soo laabteen.
Ciidamada ammaanka Dowladda Federaalka ayaa kordhiyay baraha hubinta Gaadiidka waddooyinka Magaalada Muqdisho oo markii hore ay ka joogeen Isgoysyada, balse haatan waxa ay goobo cusub ka dhex sameysteen inta u dhaxeysa isgoysada waaweyn.
Mustaqbal
Fadhi aan caadi ahayn oo ay maanta magaalada Laascaanood ku yeesheen Xildhibaanada Baarlamaanka Dowlad goboleedka…
Wasiirka Arrimaha Dibadda Masar, Dr Badr Abdelatty ayaa markale ku celiyay in Dowladdiisa ay garab…
Sida ay ku warrantay Warbaahinta ku hadasha Afka Maamulka Israa’iil, waxaa maalmo dheeraad ah lagu…
Magaalooyinka Muqdisho, Addis Ababa iyo Kampala waxaa ka socda shirar looga hadlayo Mustaqbalka Howlgalka Midowga…
Ciyaaryahanka u dhashay Dalka Spain kuna guullaystay Koobka Adduunka 2026 ee lagu magacaabo Marc Cucurella…
War kasoo baxay Dowlad-Goboleedka Puntland ayaa Galmudug loogu baaqay in ay ka waantowdo in saanad…