Dhismaha saldhigaan waxaa mas’uuliyadiisa qaatay Booliiska AMISOM ee ku sugan Magaalada Baladwyene.
Waxa ay dhiseen Xafiisyo kooban oo ay ku shaqeynayaan Saraakiil Booliis Soomaali ah, si wax looga qabto Xaaladaha Amni darro, Kiisaska dadka ay isku heystaan iyo adeegyada guud ee ay ugu baahan yihiin Saldhigyada Booliiska.
Cabdiraxiim Muxumad Taakoy, Gudoomiye ku xigeenka Amniga iyo Siyaasadda Gobolka Hiiraan ayaa sheegay in Magaalada Baladweyne ay ballaaratay, sidaas awgeed ay u baahatay in La kordhiyo Saldhigyo booliis.
AMISOM ayuu ugu mahad celiyay in ay u hirgeliyeen Saldhig laga dhisay Xaafadda Howlwadaag oo kamid ah Xaafadaha Magaalada Baladweyne.
Maxwell Chikunguru, oo ah isku duwaha dib u habeynta iyo Dib u dhiska AMISOM ayaa sheegay in saldhigaan uu muhiim u yahay dib usoo celinta xasiloonada iyo kala dambeynta.
Waxa uu ka dalbaday saraakiisha Booliiska Soomaalida ee halkaa ku shaqeyn doonto in ay ugu adeegaan shacabka.
“Waxaan Maanta halkaan u nimid in aan soo gaba-gabeynayo howshii lagu hirgelinayay saldhigaan booliiska, sida aad u ogtihiin Saldhiggan shaqadiisa waxa uu muhiim u yahay deegaankaan, si looga hubiyo xasiloonida iyo kala dambeynta, sidaas awgeed qof waliba waxa uu ogsoon yahay qofshaha kala guurka iyo u diyaar garowga halka loo marayo, waxaana looga baahan yahay booliiska Soomaaliya in ay awood buuxda u yeeshaan hubinta dib usoo celinta Sharciga iyo kala dambeynta”. Ayuu yiri Maxwell oo ah isku duwaha dib u habeynta dib u dhiska AMISOM.
Maxmaed Macow Xalane oo kamid ah saraakiisha Booliiska ee ku shaqeyn doonto Saldhigaan ayaa sheegay in ay ku faraxsan yihiin in lagu wareejiyo Mas’uuliyadda Saldhigaan.
Waxa uu ballanqaaday ay ugu shaqeyn doonaan baahida ay kolkii hore u dalbadeen, isla markaana ay tixgelin doonaan shacabka ay ugu adeegayaan.
Booliiska AMISOM ayaa Ciidamada Booliiska Dowladda Federalka iyo kuwa Maamul Goboleedyada kala shaqeeya tababarada iyo dib u dhiska, xiliyada qaar waxa ay kala qaybqaataan howlgalada ay sameeyaan.
Ra’iisul Wasaaraha Xukuumadda Federaalka Soomaaliya, Xamsa Cabdi Barre iyo wafdi u badan Wasiiro katirsan Xukuumaddiisa…
Wararka ka imaanaya Gobolka Hiiraan gaar ahaan inta u dhaxaysa Maxaas iyo Teedaan ayaa kusoo…
Galbeedka Gobolka Tigray ee dhaca Waqooyi Itoobiya waxaa ka socda dagaal galay maalintii labaad oo…
Sida ay wariyeen Axios & AP, Madaxweynaha Maraykanka, Donald Trump ayaa dib uga laabtay dagaal…
Ra’iisul Wasaaraha Xukuumadda Federaalka Soomaaliya, Xamsa Cabdi Barre ayaa maanta ku wajahan Magaalada Laascaanood ee…
Dowladaha Turkiga iyo Ciraaq ayaa kala saxiixday heshiis hal sano ah oo lagu horumarinayo Dhuumaha…