Al-Shabaab oo Sheegatay Weerar qaraxyo ku bilawday oo ka socda Kenya.

Wararka ka imaanaya Magaalada Nairobi ee Caasimadda Dalka Kenya ayaa sheegaya in Gelinkii dambe ee maanta koox hubeysan ay weerar ku qaatay Hoteel ku yaalla Degmada Westland.

Halka la weeraray dhismaha ku yaalla waxa ay isugu jiraan Hoteelo, Xafiisyo iyo Goobo Ganacsi, waxaana tagay Ciidamo dheeraad ah, gaar ahaan kuwa loo yaqaan GSU-da ee la dagaalamo waxa loogu yeero Argagixisada.

Muuqaal lasoo duubaay waxaa ka dhex muuqdo Qaac ama Uuro ka baxeyso Dhismaha weerarka ka dhacay, waxaana sidoo kale lasoo bixiyay qaar kamid ah dadkii ku sugnaa.

Ciidamada ayaa adeegsanaya Diyaaradaha Qumaatiga u kaca ee loo yaqaan Helicopteda, waxaana la arkayaa Ciidamo Caddaan ah oo hubeysan.

Dhimasho iyo Dhaac midna lama hayo inta ay gaarsiisan yihiin, waxaana wararka soo baxaya ay sheegayaan in uu jiro Khasaare.

Gaari Walxaha Qarxa lagu soo raray ayaa lagu dhuftay Iridka Kontoroolka ah ee looga gudbo dhismaha, waxaana xigay Rasaas la sheegay in ay is weydaarsanayaan Kooxdii Weerarka qaaday iyo Ciidamada halkaa tagay.

Al-Shabaab ayaa sheegatay Mas’uuliyadda Weerarkaan, waxa ayna sheegteen in dagaal yahano katirsan ay gudaha ugu jiraan Dhimsha ay weerareen oo ay tilmaameen in uu ahaa Bartilmaameedkooda.

Kenya wali kama hadlin, waxaana Warbaahinta Dalkaasi laga soo deynayaa dadka laga soo bixinayo Dhismaha la weeraray oo ay isku gedaameen Ciidamada.

La soco wixii kasoo kordha.