Madaxweynaha Maraykanka Donald Trump ayaa Madaxa Hay’adda Dhalashada iyo Socdaalka Mareykanka (USCIS), Joseph Edlow ku caadinaya in uu qaado tallaabooyin degdeg ah oo ka dhan ah Ajaanibta kasoo jeeda dalalka Somalia, Afghanistan, Cuba, Haiti, Iran & Venezuela.
Donald Trump ayaa arrintaan u arka mid muhiim u ah amniga dalkiisa isla markaana meesha ka saari karto tuugada uu sheegay in ay kusoo kordheen Gobolka Minnesota sida uu dhowaan ku dhawaaqay Madaxweynaha Maraykanka.
Maareeye Joseph Edlow oo wax laga weydiiyay sida uu arrimahaan u dadejin karo waxa uu tilmaamay in dhowr jeer warqado uga yimaadeen dhinaca Aqalka Cad laguna wargeliyay fulinta soo jeedinta Madaxweynaha Maraykanka Donald Trump.
Xaaladdu waxa ay sii adkaatay kaddib markii nin u dhashay Dalka Afghanistan lagu eedeeyay in uu toogtay labo askari oo katirsan ciidanka ilaalada Qaranka ee Magaalada Washington DC, loona baahday in la dabagalo.
“Badbaadada waddankan iyo dadka Maraykanka ah waa mudnaanta koowaad, mana ahaan doonaan dadka Maraykanka kuwa bixiya kharashaadka ka dhashay siyaasadaha dayacaadda leh ee maamulka hore ee dib-u-dejinta” ayuu yiri Joseph Edlow oo qoraal soosaaray.
Mustaqbal
Guddiga loo xilsaaray qabashada doorashada Guddoomiyaha Golaha Shacabka ee Baarlamaanka Federaalka Soomaaliya ayaa si rasmi…
Ra’iisul Wasaare Ku-xigeenka 2-aad ee XFS, Jabriil Cabdirashiid ayaa maanta shaaciyay inuu iska celiyay dhalashada…
Degmada Shangaani ee Gobolka Banaadir waxaa dib looga howlgelinayaa Biyo mareennadii ay lahayd iyada oo…
Magaalada Dhuusamareeb waxaa maanta lagu wadaa in lagu shaaciyo natiijada kasoo baxday Doorashadii Dadweyne ee…
Ra’iisul Wasaaraha Xukuumadda Federaalka Soomaaliya, Xamsa Cabdi Barre ayaa Magaalada Laascaanood ee xarunta Maamulka Waqooyi…
Madaxweynaha Maraykanka, Donald Trump ayaa soo bandhigay Dalal uu ku sheegay in ay ka codsadeen…