Rag looga shakiyay AS oo Mandheera ku dilay Injineero laami dhisayay

Rag hubaysan oo lala xiriirinayo in ay katirsan yihiin AS ayaa weerar jidgal ah ku qaaday gaari ay la socdeen Injineerro, shaqaale iyo Ilaalo Booliis ah oo Dhismo laami kawaday Ismaamulka Mandheera sida ay ku warrameen saraakiil katirsan Booliikska Kenya.

Kooxda weerarka fulisay ayaa rasaas tira beel ah ku ridday Gaariga oo dadkii la socday ay kusii wajahnaayeen Dhismo ay ka wadeen waddada isku xirta Carabiya iyo Lafeey ee Ismaamulka Mandheera, waxaana baxsatay kooxdii weerarkaas fulisay oo lagu daba joogo sida uu sheegay Booliiska Kenya.

Dadka dhintay ayaa isugu jiray 5 Injineer oo dhismaha laamiga ah iyo labo askari oo katirsan Ciidanka Booliiska Kaydka ah halka uu dhaawac darran uu soo gaaray wadaha Gaariga la rasaaseeyay oo la dhigay mid kamid ah Goobaha Caafimaadka si looga daweeyo dhaawacyada jirkiisa ay u gaysatay rasaasta lagu riday.

Dhammaan dadkaas maydkooda la geeyay mid kamid ah xarumaha baarista Booliiska halkaas oo baaritaanno lagu samaynayo si loo helo ugu yaraan tixraac lagu raadraaci karo hubka loo adeegsaday weerarka nafta lagu dhaafiyay, waxaana kiiskooda la wareegay ciidamada gaarka u tababaran ee la dagaalanka waxa loogu yeero Argagixisada.

Kenya ayaa dhawaan sheegtay in ay kordhinayso howlgallada ay uga hortagayso AS kuwaas oo dhimasho, Dhaawac, Cabsi iyo xayiraad safar ku noqotay Mas’uuliyiin, Saraakiil ciidan, Ajaanib u badan dalxiisayaal iyo kuwo kale waana tan keentay in la kordhiyo Ciidamada ka howlgallada deegaannada xiga Xadka Soomaaliya.

Mustaqbal