Qaramada Midoobe oo ka digtay Abaar ku dhufuto Soomaaliya.

War kasoo baxay Hay’adda Qaxootiga u qaabilsan Qaramada Midoobe ee UNHCR ayaa lagu sheegay digniin ku saabsan Saameyn taban oo ku reebto dadka Abaar ka jirta qaybo kamid ah Soomaaliya.

Afhayeen u hadlay UNHCR oo lagu Magacaabo Babar Baloch ayaa sheegay in khatar ay wajahayaan dadka, balse wadada kaliya ee furan ay tahay gargaar deg deg ah.
Waxa uu intaa ku daray in sanadadii lasoo dhaafay laga hortagay oo la xakameeyay in Macluul iyo Abaar isugu daranto Soomaalida.

Afhayeenka ayaa sheegay in ay Cashir ka qaateen Abaartii iyo Macluushii Soomaaliya ku dhufutay sanadkii 2011-kii.

Bisha soo socota ayuu sheegay in Xaaladda Malaayiin qof oo Soomaali ah kasii dari karto, kuwaa oo ku nool Deegaanada Abaarta ka jirto, isaga oo tilmaamay in laga hortagi karo hadii dhaqaale loo helo.

Babar Baloch oo ah Afhayeenka u hadlay Hay’adda Qaxootiga u qaabisan Qaramada Midoobe ee loosoo yareeyo UNHCR ayaa sheegay in si dhaw ay ula socdaan Xaaladda Bani aadamnimo ee Soomaaliya had iyo jeer.

50,000 (Konton kun) oo ruux ayuu sheegay Afhayeenku in ay ka barakaceen Deegaanadooda, waxaana jira kuwo kale oo dhimasho iyo Khataro kale wajahaya.

Qaramada Midoobe ayaa shaacisay in 20% oo ah dhaqaalaha loo baahan yahay in wax loogu iibiyo Soomaaliya, gacantooda lacagta ku jirta waxa uu ku sheegay in ay gaareyso $710 Milyan, isla markaana aysan kaafin karin nolosha dadka la samata-bixinayo.