Wararka naga soo gaaraya gobolka Galgaduud gaar ahaan magaalada Caabudwaaq ayaa sheegay in deegaanka Shiilo-madoow uu ka socda dagaal u dhaxeeya ciidanka Nabad Sugidda iyo Sirdoonka Soomaaliya iyo Maleeshiyo hubeysan oo degan deegaanka.
Dagaalka ayaa salka ku haya ka dib markii Hub kala duwan oo saaranaa Laba gaari gaar ahaan nuuca Soomaalida ay u taqaan Candhabeedlaha oo galbinaya ciidanka Booliska ay ka soo gudbeen xadka gobolka Galgaduud uu la wadaago Dowlad Deegaaanka Soomaaliya.
Goobjooge ku sugan magaalada Caabudwaaq oo la hadlay Mustaqbal Media ayaa u xaqiijiyey in gawaarida ay galbinayeen ciidanka Booliska, balse ay is hortaan ku sameeyeen dadka deegaanka, kuwaas oo markii dambe gacanta ku dhigay hubkii saarnaa mid ka mid ah labada gaari.
Goobjoogaha ayaa sidoo kale noo sheegay in magaalada ay gaareen ciidan ka tirsan Hay’adda Nabad Sugidda iyo Sirdoonka Qaranka, kuwaas oo aan la ogeyn u jeedka balse wararku waxa ay sheegayaan in halkaas uu dagaal ka bilowday kaas oo sababay dhimasho iyo dhaawac.
Maamulka Galmudug gaar ahaan Wasaaradda Amniga iyo Dowladda Soomaaliya weli kama aysan hadal hubkaan ka soo gudbay xadka ay wadaagaan gobolka Galgaduud iyo Dowlad Deegaanka Soomaaliya, weli si rasmi ah looma ogaan hubka halkii loo waday iyo ciddii lahayd.
Mustaqbal
Magaalada Dhuusamareeb ee xarunta Maamulka Galmudug waxaa maanta lagu wadaa in ay ka dhacdo Doorashada…
Dowladda Tunisia ayaa wajahaysa kacdoon ka imaanaya Shacabkeeda oo ka cabanaya dhibaatooyinka dhaqaale ee dalkaas…
Xulka qaranka Soomaaliya ee da’doodu ka hooseyso 17 sano ayaa u soo baxay finalka tartanka…
Dowlad Goboleedka Koofur Galbeed ayaa sheegay in ay billaabayaan howlgallo ka dhan ah Askarta taabacsan…
Xiisadda u dhaxaysa Itoobiya iyo Eretareeya ayaa cirka isku sii shareertay kaddib markii Ciidamo Itoobiyaan…
Madaxweynaha Dowladda Federaalka Soomaaliya, Xasan Sheekh Maxamuud, ayaa Taliyihii hore ee Ciidanka Xoogga Dalka Soomaaliyeed,…