Madaxda Soomaaliya, Masar, Suudaan iyo Eritrea oo yeelanaya kulan gaar ah

Madaxweynayaasha iyo madaxda Masar, Eritrea, Soomaaliya iyo Suudaan ayaa lagu wadaa in ay maanta kulan afar geesood ah ku yeeshaan magaalada New Alamein ee waqooyiga Masar, iyadoo diiradda lagu saarayo xaaladda gobolka iyo isbeddellada ka socda Geeska Afrika.

Shirka waxaa ka qeybgalaya Madaxweynaha Masar Cabdel Fataax Al-Sisi, Madaxweynaha Eritrea Isaias Afwerki, Madaxweynaha Soomaaliya Xasan Sheekh Maxamuud, iyo Guddoomiyaha Golaha Sare ee Suudaan Cabdel Fataax Al-Burhaan.

War-saxaafadeed ka soo baxay Madaxtooyada Masar ayaa lagu sheegay in kulanka uu qayb ka yahay wada-tashi iyo isku-duwid ku saabsan arrimaha gobolka ee ay labada dhinac daneynayaan.

Madaxtooyadu faahfaahin dheeraad ah kama bixin qodobada si gaar ah looga wada hadli doono, hase yeeshee kulanka ayaa ku soo beegmaya xilli ay gobolka Geeska Afrika ka jiraan xiisado siyaasadeed iyo amni.

Shirkan ayaa sidoo kale dhacaya iyadoo xiriirka Itoobiya iyo Eritrea uu xumaaday, halka Masar iyo Itoobiya ay hore ugu kala ceyriyeen diblomaasiyiintooda.

Dhinaca kale, dagaallo ayaa bishii Sebtembar dib uga qarxay waqooyiga Itoobiya, gaar ahaan gobolka Tigray, iyadoo ciidamada federaalka Itoobiya ay dagaal la galeen isbahaysi mucaarad ah oo uu hoggaaminayo TPLF.

Dagaallada ayaa sidoo kale ku fiday qaybo ka mid ah koonfurta Tigray iyo gobolka deriska la ah ee Cafar.

Mustaqbal