Abiy Ahmed oo dagaalka Tigray u adeegsanaya Maleeshiyaad kasoo jeeda Ismaamulkaas

Xukuumadda Abiy Ahmed ayaa dagaalka ka socda Waqooyiga Dalkaas gaar ahaan Ismaamulka Tigray u adeegsanaysa Maleeshiyaad hubaysan oo la magac baxay Tigray Peace Force TPF kuwaas oo la sheegay in ay horay uga tirsanaayeen Kooxda TPLF.

Kooxdaan ayaa sheegatay in dagaal lama filaan ah oo ay la gashay Kooxda TPLF oo ay horay uga tirsanayd inay ku qabsatay Dhul baaxad weyn oo Kooxdu gacanta ku haysay sida Garoonka Diyaaradaha Mekelle ee xarunta Ismaamulka Tigray.

Abiy Ahmed ayaa fursadda uu ka dhex helay Kooxda kasoo jeeda qowmiyadda Tigray waxa ay u noqotay mid muhiim ah maadaama ciidanka Federaalka aanay culays badan kala kulmi Karin deegaannada ay kooxdaas ka dagaalamayso.

Muddo waxaa hub uruursi iyo diyaarsasho ciidan ku jirtay Kooxda Tigray Peace Force oo la dhisay markii Xukuumadda Abiy iyo Jabhadda TPLF ay heshiiska ku gaareen Dalka Koofur Afrika kaas oo loogu magac daray Pretoria 2022.

Ra’iisul Wasaaraha Itoobiya oo dareemaya culayska gudaha ah iyo kan dibadda ayaa qaaday tallaabooyin uu ku kala furfurayo jabhadaha ka jira dalkiisa isaga oo billaabay in uu cilaaqaad la yeesho saraakiil kasoo jeedda Ismaamullada kooxahaas ay ka jiraan.

Ma jiro war kasoo baxay Kooxda TPLF oo ku saabsan guusha ay sheegatay Kooxda kale ee TPF oo ah in ay qabsatay Garoonka Diyaaradaha ee Mekelle oo todobaadkii tagay ay isla kooxdaas ka qabsatay ciidanka Federaalka oo muddo dheer gacanta ku hayay.

La soco wixii kasoo kordha

Mustaqbal