Dowladda Soomaaliya ayaa markii ugu horreysay xaqiijisay in duqeymo ka dhan ah AS ay fuliyeen Diyaaradaha dagaalka Turkiga ee nuucooda yahay F-16.
War-saxaafadeed ka soo baxay Wasaaradda Gaashaandhiga Soomaaliya ayaa lagu shaaciyay in duqeymaha ay ka dhaceen gobolka Shabeellada Hoose, gaar ahaan xaruumo ay AS ku leeyihiin deegaanka Godey.
Sida ay sheegtay Wasaarada waxaa Duqeymaha lagu dilay 35 ruux oo ka tirsan AS, halka tiro kale la dhaawacay, balse ma jiraan ilo madaxbannaan oo xaqiijin kara sheegashada Wasaaradda Difaaca.
Sidoo kale, Bayaanka waxaa lagu sheegay in la duqeeyay qaar kamid ah xarruumo ay hub iyo qaraxyo ugu keydsanaayeen AS, balse lama oga ilaa hadda khasaaraha gaarey goobahaasi.
Soomaaliya ayaa u mahadcelisay Dowladda Turkiga ee ka taageertay duqeymahan, iyadoo tilmaamtay in ay taageerayeen Ciidamada Xoogga Dalka Soomaaliyeed.
Turkiga ayaa kamid ah Saaxiibada caalamiga ah ee Soomaaliya ka taageera dagaalka AS, gaar ahaan dhinaca duqeynaha cirka ah iyo tababarada ciidamada qalabka sida.
Mustaqbal
Guddiga loo xilsaaray qabashada doorashada Guddoomiyaha Golaha Shacabka ee Baarlamaanka Federaalka Soomaaliya ayaa si rasmi…
Ra’iisul Wasaare Ku-xigeenka 2-aad ee XFS, Jabriil Cabdirashiid ayaa maanta shaaciyay inuu iska celiyay dhalashada…
Degmada Shangaani ee Gobolka Banaadir waxaa dib looga howlgelinayaa Biyo mareennadii ay lahayd iyada oo…
Magaalada Dhuusamareeb waxaa maanta lagu wadaa in lagu shaaciyo natiijada kasoo baxday Doorashadii Dadweyne ee…
Ra’iisul Wasaaraha Xukuumadda Federaalka Soomaaliya, Xamsa Cabdi Barre ayaa Magaalada Laascaanood ee xarunta Maamulka Waqooyi…
Madaxweynaha Maraykanka, Donald Trump ayaa soo bandhigay Dalal uu ku sheegay in ay ka codsadeen…