Dowladda Federaalka Soomaaliya ayaa dalka dib ugu soo celisay 173 ruux oo u badan Dhallinyaro kuwaas oo ku xirnaa Xabsiyada ku yaalla Liibiya, mas’uuliyiin kala darajo duwan ayaa kusoo dhaweysay Garoonka Diyaaradaha Aadan Cadde ee Magaalada Muqdisho.
Soo qaadista dhallinyaradaan waxaa Dowladda Federaalka Soomaaliya ka gacansiiyay Midowga Yurub & Hay’adda Socdaalka Qaramada Midoobay u qaabilsan ee IOM, waxaa ka horreeyay dufcooyin kale oo dalka dib loogu soo celiyay waqtiyo kala fog.
Ra’iisul Wasaare ku xigeenka Labaad ee Dalka, mas’uuliyiin ka socotay Wasaaradda Arrimaha Dibadda iyo madax ka socotay Xafiiska Ergayga gaarka ah Madaxweynaha JFS u qaabilsan soocelinta muhaajiriinta iyo xuquuqda Carruurta ayaa goobta ku sugnaa.
22 kamid ah Dadka lasoo celiyay waxaa laga dejiyay Magaalada Hargaysa, halka 151 kale lagu reebay Magaalada Muqdisho, Hay’adda Socdaalka Qaramada Midoobay u qaabilsan ee loosoo gaabiyo IOM ayaa bogaadisay tallaabadaan.
Inta badan dhallinyarada Tahriibka u aadda Dalka Liibiya waxa ay la kulmaan dhibaatooyin kala duwan iyada oo ehelkooda laga qaato lacago madax-furasho ah, waxaa intaas u dheer halista badda ay marayaan oo suuragal ah in ay naftooda ku waayaan.
Mustaqbal
Ra’iisul Wasaaraha Xukuumadda Federaalka Soomaaliya, Xamsa Cabdi Barre iyo wafdi u badan Wasiiro katirsan Xukuumaddiisa…
Wararka ka imaanaya Gobolka Hiiraan gaar ahaan inta u dhaxaysa Maxaas iyo Teedaan ayaa kusoo…
Galbeedka Gobolka Tigray ee dhaca Waqooyi Itoobiya waxaa ka socda dagaal galay maalintii labaad oo…
Sida ay wariyeen Axios & AP, Madaxweynaha Maraykanka, Donald Trump ayaa dib uga laabtay dagaal…
Ra’iisul Wasaaraha Xukuumadda Federaalka Soomaaliya, Xamsa Cabdi Barre ayaa maanta ku wajahan Magaalada Laascaanood ee…
Dowladaha Turkiga iyo Ciraaq ayaa kala saxiixday heshiis hal sano ah oo lagu horumarinayo Dhuumaha…