Danjiraha Turkiga ee Somaliya oo ballanqaaday xoojinta xiriirka labada dal

Danjiraha cusub ee Dowladda Turkiga dhawaan u soo magacawday Soomaaliya  Mehmet Yilmaz,ayaa ballan qaaday in uu ka shaqeynayo xiriirka labada dal ee Soomaaliya iyo Turkiga sidii uu u xoogeysan lahaa.

Waxaa uu sheegay in Dadka Turkiga iyo Dadka Soomaaliya ay yihiin dad walaalo ah inta uu xafiiska joogana uu ka shaqeyn doono sidii uu u sii horumarin lahaa xiriirka labada shacab iyo labada dowladood dan toodana ka shaqeyn doono.

Mehmet Yilmaz,ayaa warqadaha aqoonsiga danjiranimo waxaa shalay ka guddoomay Wasiirka arrimaha dibadda ee Soomaaliya Axmed Ciise Cawad oo ku qaabilay Xarunta Wasaaradda arrimaha dibadda ee Muqdisho.

Yilmaz ayaa beddelay Olgen Baker oo muddo ka badan afar Sano Safiir u ahaa Turkiga,kaas oo wax badan ka qabtay xiriirka iyo taageerada Turkiga ee Soomaaliya.

Wasiirka arrimaha dibadda Soomaaliya Axmed Ciise Cawad ayaa u mahad celiyay Dowladda Turkiga iyo taageeradeeda Soomaaliya,waxaa kale oo uu guul u rajeeyay danjiraha cusub.