Dadkii ka barakacay magaalada Beledxaawo dib ugu soo laabtay

Magaalada Beledxaawo waxaa dib ugu soo laabtay dadkii shacabka ahaa ee ka barakacay dagaalkii ku dhexmaray ciidanka dowladda Federaalka iyo kuwa Jubbaland.

Boqolaal shacab ah ayaa saacadihii la soo dhaafay ka soo gudbay xadka Mandheera, halkaasi oo ay maalmihii la soo dhaafay uga qaxeen dagaalka Beledxaawo.

Dhinaca kale, Saraakiisha ciidanka ee uu hoggaamiyo Taliyaha NISA ee gobolka Gedo, Cabdirashiid Janan ayaa kulamo gaar gaar ah la yeeshay qeybaha kala duwan ee bulshada iyo ciidanka amniga.

Kulamada ayaa looga hadlay adkeynta amniga guud ee magaalada Beledxaawo iyo gobolka Gedo, si dowladda Federaalka u gaarsiiso adeegyada bulshada.

Dadka rayidka ah ayaa soo dhaweeyay ciidanka dowladda ee la wareegay magaalada Beledxaawo, iyaga oo tilmaamay in ay la shaqeyn doonaan.

Maalmihii la soo dhaafay waxaa xiisad ka taagneyd gobolka Gedo, taasi oo u dhaxeysay ciidanka dowladda Federaalka iyo kuwa dowlad goboleedka Jubbaland.

Mustaqbal