Kenya ayaa sheegtay in Ayax ka gudbay Soomaaliya & Itoobiya uu dhibaato ku hayo 9-Ismaamul Goboleed, saameynta ugu badan waxa uu ku reebay dhul daaqsimeed baaxadweyn & beero kala duwan.
Ismaamulada sagaalka ah ay Kenya sheegtay in uu gaaray Ayaxa waxaa ka timid Cabasho xooggan oo dadka deegaanka ah, waxa ay kala yihiin: 1-Wajeer, 2-Gaarisa, 3-Tana River, 4-Kiliifi, 5-Lamu, 6-Mombaasa, 7-Taita 8-Taveta Kitui and 9-Marsabit.
Ayaxa ayaa marka uu dhirta ku dul-dego waxa uu dhigaa ukun ka dhalata koron-korada oo dhibaatada ugu badan ku reebta caleenta qoyan ee geedka haddii aysan helin gargaar kahortag ah oo lagu buufinayo.
Xoghayaha guud ee Beeraha Xamaadi Boga ayaa sheegay in dhirtu wali ay cagaaran tahay, balse ay u baahan yihiin gurmad degdeg ah oo looga hortagayo in Koron-korada diirka ka dhigto dhirta.
“Waddanka waxaa kusoo duulay Ayax labaad oo ka yimid Soomaaliya & Kenya, waxa uu raadinayaa meelo wanaagsan oo doog iyo carro ugdoon leh si uu u dhigto ukumaha uu wato” Sidaasi waxaa yiri Xoghayaha guud ee Beeraha Xamaadi Boga.
Bartamaha Soomaaliya waxaa cabasho ka timid Xoolo dhaqatada kadib markii dhulka naqa leh uu ku degay Ayax kasoo gudbay Xadka Soomaaliya & Itoobiya, qaarkood ayaa adeegsaday waxyaabo ay ku sal-kicinayaan balse aan kahortagi Karin Urunkiisa oo saameyn dambe leh.
Isha: Business Daily Afrika / Mustaqbal.
Wasiirka Arrimaha Dibadda Masar, Dr Badr Abdelatty ayaa markale ku celiyay in Dowladdiisa ay garab…
Sida ay ku warrantay Warbaahinta ku hadasha Afka Maamulka Israa’iil, waxaa maalmo dheeraad ah lagu…
Magaalooyinka Muqdisho, Addis Ababa iyo Kampala waxaa ka socda shirar looga hadlayo Mustaqbalka Howlgalka Midowga…
Ciyaaryahanka u dhashay Dalka Spain kuna guullaystay Koobka Adduunka 2026 ee lagu magacaabo Marc Cucurella…
War kasoo baxay Dowlad-Goboleedka Puntland ayaa Galmudug loogu baaqay in ay ka waantowdo in saanad…
Dowladda Iiraan ayaa si caro leh uga hadashay weerarkii Ukraine ay ku beegsatay mid kamid…